+91 80 2244 4033 ksccsfltd@gmail.com

Karnataka State Co-Op Credit Societies Federation Ltd.

ಕರ್ನಾಟಕ ರಾಜ್ಯ ಸಹಕಾರ ಪತ್ತಿನ ಸಂಘಗಳ ಮಹಾಮಂಡಳ ನಿಯಮಿತ

Smt K.Lalitha G.T.Devegowda

ಶ್ರೀಮತಿ ಕೆ. ಲಲಿತ ಜಿ.ಟಿ. ದೇವೇಗೌಡ ಅಧ್ಯಕ್ಷರು

2016ರ ವರ್ಷ ಮುಗಿದಿದೆ. ಈ ವರ್ಷದಲ್ಲಿ ಹಲವಾರು ರೀತಿಯಲ್ಲಿ ಹೊಸ ನಿರೀಕ್ಷೆಗಳನ್ನು, ಯೋಜನೆಗಳನ್ನು ಜನತೆ ಇರಿಸಿಕೊಂಡಿದ್ದರು. ಯಾವ ಕಾಲಕ್ಕೆ ಏನು ಆಗಬೇಕು ಅದು ಆಗಿದೆ ಎಂಬುದು ಸರ್ವ ಜನರ ಅಭಿಪ್ರಾಯ. 2016ರ ನವೆಂಬರ್, ಡಿಸೆಂಬರ್ ತಿಂಗಳುಗಳು ರೂ. 500, 1000 ಗಳ ನೋಟು ರದ್ಧತಿ, ಹೊಸ 2000/- ಮತ್ತು ರೂ. 500 ನೋಟುಗಳ ಬಿಡುಗಡೆ, ಹಳೆಯ ನೋಟುಗಳ ಠೇವಣಿ, ಹೊಸ ನೋಟುಗಳ ನಿರೀಕ್ಷಣೆ, ಬವಣೆ ಹೀಗೆ ನೋಟಿನ ದಾಟಿಯೇ ಜನರ ನಡುವೆ ವಿನಿಮಯದ ವಸ್ತುವಾಗಿತ್ತು.

ಕೇಂದ್ರ ಸರ್ಕಾರ ನೋಟು ಬದಲಾವಣೆಯ ಕ್ರಮಕೈಗೊಂಡಿದ್ದು ಸ್ವಾಗತಾರ್ಹ ವಿಚಾರ. ಇದರಿಂದ ಉಗ್ರವಾದ, ಕಾಳಧನಿಕರು, ಭ್ರಷ್ಟಾಚಾರಿಗಳಿಗೆ ಬಿಸಿ ಮುಟ್ಟುವಂತಹ ನಿರ್ಧಾರಗಳು ದೇಶದ ಆರ್ಥಿಕತೆ ದೃಷ್ಠಿಯಲ್ಲಿ ಮೆಚ್ಚುಗೆ ಗಳಿಸಿವೆ.
2017ರ ವರ್ಷ ಹೊಸ ನಿರೀಕ್ಷೆಗಳೊಂದಿಗೆ ಆರಂಭವಾಗಿದೆ. ದೇಶದ ಪ್ರಗತಿಯ ಜೊತೆಗೆ ಸಹಕಾರ ಸಂಘಗಳ ಮೂಲಕ ಸದಸ್ಯರು ತಮ್ಮ ಅಗತ್ಯಗಳಿಗೆ ಅನುಗುಣವಾಗಿ ನೆರವು ಪಡೆದು ಅಭಿವೃದ್ಧಿ ಸಾಧಿಸಲು, ಸಹಕಾರ ಚಳವಳಿಯಲ್ಲಿ ಸಕ್ರಿಯರಾಗುವುದು, ಚಳವಳಿಯ ವಿವಿಧ ವಲಯಗಳ ವಿಸ್ತರಣೆ, ಬೆಳವಣಿಗೆಗೆ ಕಾರಣಕರ್ತರಾಗಬೇಕಿರುವುದು ಕೂಡ ಅವರ ಬದ್ಧತೆಯೂ ಹೌದು. ಕಾರಣ, ಸಹಕಾರ ಕ್ಷೇತ್ರ ಸೇವಾ ಕ್ಷೇತ್ರವಾಗಿದ್ದು ದೈನಂದಿನ ಜೀವನ ಶೈಲಿಯಲ್ಲಿ ಸಹಕಾರ ತತ್ವಗಳ, ಚಳವಳಿಯ ಬಲವರ್ಧನೆಯೂ ಪ್ರಮುಖವಾಗಿದೆ.

ಪ್ರಾಕೃತಿಕ ಅತಿವೃಷ್ಠಿ, ಅನಾವೃಷ್ಠಿಗಳಿಂದ ಕಳೆದ ಹಲವು ವರ್ಷಗಳಿಂದ ಬರದ ಛಾಯೆ ಮೂಡಿಸಿದೆ. “ಉತ್ತಮ ಮಳೆ, ಉತ್ತಮ ಫಸಲು ನಿರೀಕ್ಷೆ, ಅಭಿವೃದ್ಧಿ” ಇವು ನಮ್ಮ ಮುಂದಿನ ಸವಾಲುಗಳಲ್ಲಿ ಸೇರಿದೆ. ಹೊಸ ವರ್ಷದಲ್ಲಿ ನಮ್ಮ ನಿರೀಕ್ಷೆಗಳು, ಗುರಿ, ಸಾಧನೆಗಳು ಬೆಟ್ಟದಷ್ಟಿವೆ. “ಹನಿ-ಹನಿಗೂಡಿದರೆ ಹಳ್ಳ, ತೆನೆ ತೆನೆ ಗೂಡಿದರೆ ಬಳ್ಳ” ಎಂಬಂತೆ, ಸಹಕಾರ ತತ್ವಗಳ ಮೂಲಕ ನಮ್ಮ ನಿರೀಕ್ಷೆಗಳು ಸಮೃದ್ಧವಾಗಿ ಫಲಭರಿತವಾಗಿರಲಿ ಎಂಬುದು ನನ್ನ ಶುಭ ಹಾರೈಕೆ.

“ಎಲ್ಲರೂ ಒಟ್ಟಾಗಿ ಬಾಳೋಣ – ದುಡಿಯೋಣ”
ನಾವು ನಿಮ್ಮೊಂದಿಗೆ ಇದ್ದೇವೆ. ನೀವೂ ನಮ್ಮೊಡನೆ ಬನ್ನಿ.
`ಸಹಕಾರ ಜೀವನಾಡಿ ಎನ್ನಿ’
– ಅಧ್ಯಕ್ಷರು

Back To Top